‫#‏هلا_بريحة_هلي‬
مغتربة سورية ساكنة ب ‫#‏مصر‬ بعتت رسالة على ‫#‏بريد_المغتربين‬
– يا بريد …. اخي الكبير بكون اول حفيد اجا على العيلة … إله معزة خاصة على الكل … و هوي اكتر واحد محبوب من بيتنا و من خالاتي و خوالي و بيت جدي …. و هدا حلو خطبته بعد كم نهار …. و نحن محتارين شلون بدنا نفرحه و نحسسه اننا جنبه
– نحن ؟ ليش انتو كام واحد ؟
– خالاته و مرت خاله و انا … كلنا مغتربين و كلنا بدنا نفرح بخطبته و لو كل واحد ببلد
و بلش الدعس يا معلم
جبنا بوكيه ورد بيااااخد العقل
و فننننن يا معلم لعند العرسان
– يا عريس …. جايبنلك فرحة اهلك كلها بهل الورد …. هل الباقة من اهلك المغتربين ليقولك : يوم لاجيت على الدنيا كانت فرحتنا قد الدنيا … و وقت خطبتك الدنيا من الفرحة ما عاد تساعنا
و تعا تفرج عضحكة العرس ل صارت هل قد قدها
العريس شم ريحة الورد و العيون من فرحتها بريحة الحبايب صارت تغني : هلا بريحة هلي .. هلا بلي إلي ….
و لك هلا هلا هلا بريحة الاهل بايام الافراح
عقبال ما نفرح بعرسك و ان شاء الله بتكونوا كلكم مع بعض و منيت بريد المغتربين عحاله
الفرحة كانت دبل الدبل بفضل الله
و الفرح بيلبق للعرسان و اهله الطيبين
و الله مع الطيبين

Facebook Comments